Ауданның елді мекендерінде ауыз су мәселесі оң шешімін табуда

Ауылдағы ағайынға ең қажеті – жол мен су. Егер осы негізгі деген екі мәселе оң шешім тапса, онда ауылдың ажары артады, тіршілігі түзеледі. Мемлекет басшысының тапсырысы аясында ауданда ауыз су мәлелесі оң шешімін тауып, су құбыры желілері салынып, қайта жаңғырту жұмыстары жүрізілуде, деп хабарлайды Ilove-ulan.kz тілшісі.

 Ұлан ауданына жұмыс сапарымен ел Премьер-Министрінің кеңесшісі Ермек Маржықпаев және Құрылыс және тұрғын үй-коммуналдық шаруашылық істері комитетінің төрағасы Бақытжан Жүнісбеков келді.

 Іссапар барысында оларға ауыз сумен жабдықтау инфрақұрылымын дамыту жобаларының жүзеге асырылу барысы таныстырылды. Өз кезегінде мәртебелі меймандар Отрадное, Бозанбай ауылдары мен Асубұлақ кентіндегі  су құбыры желілерін аралап, көріп, атқарылған жұмыстың сапасына оң баға берді.

Сапар барысында қонақтар Ұлан ауданында ауыз су мәселесі оңды шешімін тауып қарқынды жұмыстар жүргізіліп жатқандығына көз жеткізді. Бұл ретте жұмысты дұрыс ұйымдастыру, жауапкершілігімізді есте сақтауымыз маңызды.