Азаматтар сайлау учаскесін eGov Mobile арқылы тексере алады
5 наурызда өтетін республикалық референдум қарсаңында азаматтар өздерінің қай сайлау учаскесінде дауыс беретінін онлайн түрде тексере алады. Бұл қызмет eGov Mobile мобильді қосымшасы мен GOV.KZ порталы арқылы қолжетімді, деп хабарлайды Ilove-ulan.kz тілшісі.
Аталған сервисті пайдалану өте оңай. Екі платформаның да басты бетінде «Референдум» атты арнайы баннер орналастырылған. Сол баннерді басқаннан кейін пайдаланушы сайлау учаскесін тексеру қызметіне өтеді.
Мұнда азамат өзінің ЖСН-ін және тұратын өңірін енгізуі қажет. Осыдан кейін жүйе автоматты түрде қажетті мәліметтерді көрсетеді. Атап айтқанда, сайлау учаскесінің нөмірі, орналасқан өңірі мен ауданы, сондай-ақ дауыс беретін орынның нақты мекенжайы шығады.
Сонымен қатар, осы бетте «Жиі қойылатын сұрақтар» бөлімі де бар. Бұл бөлімде референдумға қатысты маңызды әрі пайдалы ақпараттар жарияланған.