ШҚО құтқарушылары зағип азаматтарға арналған сейсмикалық жаттығу өткізді
Төтенше жағдайлар кезінде әркім өзін және жақындарын қорғау үшін қалай дұрыс әрекет ету керектігін білуі керек. Мүмкіндігі шектеулі азаматтарға көмектесу үшін облыстық ТЖД құтқарушылары арнайы аудио-дәрістер әзірлеп, "Шығыс Қазақстан облыстық зағиптар мен көзі нашар көретін азаматтарға арналған кітапханада" таныстырды, деп хабарлайды Ilove-ulan.kz тілшісі.
Аудио-дәрістерде көптеген пайдалы ақпарат жинақталған. Мәселен, жер сілкінісі немесе өрт кезінде, сонымен бірге Шығыс Қазақстанға тән басқа да төтенше жағдайлар орын алғанда өзін-өзі қалай ұстау керектігі айтылады.
Қауіпсіздік шаралары туралы ақпаратпен таныстырған соң құтқарушылар көзі нашар көретін адамдарға жер сілкінісінің алғашқы дүмпулеріне мінез-құлықты үйрету және қауіпсіз баспана орындарын анықтау үшін кітапхана ғимаратында сейсмикалық жаттығу өткізді.
Қауіпсіздік мәселелеріндегі ынтымақтастық шеңберінде құтқарушылар мен кітапхана басшылығы азаматтардың қауіпсіздік мәдениетін арттыру бойынша іс-шаралар өткізуге және төтенше жағдайлардың алдын алуға бағытталған сабақтар, жаттығулар, акциялар өткізуге мүмкіндік беретін меморандумға қол қойды.
Фото: ШҚО ТЖД баспасөз қызметі