Дауылды ескерту: 23 қаңтарда Шығыс Қазақстан күндіз қар, бұрқасын күтіледі
"Қазгидромет" ШҚ филиалының ақпараты бойынша 23 қаңтарда күндіз облыстың батысында, солтүстігінде, шығысында қар, бұрқасын күтіледі, деп хабарлайды Ilove-ulan.kz тілшісі.
Облыстың солтүстігінде тұман түсіп, солтүстік-шығыстан соғатын жел оңтүстік-шығысқа ауысады, күндіз облыстың шығысында, оңтүстігінде 15-20 м/с жетеді. Өскемен қаласын тұман басады.
ШҚО ТЖД қолайсыз ауа райы болжамы кезінде халықтан елді мекендерден тыс жерлерге сапарды кейінге қалдыруды сұрайды.
Желдің қатты екпінінен тез арада ғимаратқа тығылыңыз, желден үй қабырғаларында, аялдамаларда, жарнама тақтайшалардың жанында, ағаштардың астында тығылмаңыз.Үзілген сымдар мен тербелмелі маңдайшаларға жақындамаңыз. Автокөлікті шіріген, ескі және жалғыз тұрған ағаштардың жанында қалдырмаңыз.
Төтенше жағдай туындаған кезде "112"нөміріне қоңырау шалыңыз.
Фото:
depositphotos.com