Шағын несиенің сыйақы мөлшерлемесі жылдық 2,5 пайыздан аспайды. Сонымен қатар, негізгі қарызды өтеу бойынша 12 айға дейін жеңілдік кезеңі көзделген. Несие кепілдікпен қамтамасыз етілуі тиіс.

Бағдарлама аясында ұсынылатын жобалар жаңа жұмыс орындарын құруды және ауылдық округтерді дамытудың басым бағыттарына сай болуын міндетті түрде ескеруі қажет. «Ауыл аманаты» бағдарламасы - өңір тұрғындарына өз кәсібін дамытуға, тұрақты табыс көзін қалыптастыруға және ауыл экономикасын нығайтуға бағытталған тиімді қолдау тетігі.

Айта кетейік, биыл «Ауыл аманаты» бағдарламасын жалғастыруға 100 млрд теңге бөлінді. Бұл өткен жылмен салыстырғанда 2 есе көп. Қаражаттың шамамен 60 млрд теңгесі 600-ге жуық кооперативті қолдауға бағытталмақ.

Фото: ашық дереккөз

Ауыл шаруашылығы вице-министрі Аманғали Бердалиннің айтуынша, 19 қаңтарда Үкімет мал шаруашылығын дамытудың кешенді жоспарының жобасын мақұлдады. Құжатта саланы жүйелі жаңғыртуға, өндіріс көлемін арттыруға және ауыл тұрғындарының табысын көбейтуге бағытталған нақты шаралар көзделген.

Қазіргі таңда мал шаруашылығы саласында оң өсім байқалады. Соңғы деректерге сәйкес, ірі қара мал саны 8,167 млн басқа, ұсақ қара мал саны 20,551 млн басқа жеткен. Сүт өндірісі 5%-ға өсіп, 3,8 млн тоннаны құраса, ет өндірісі 2,6%-ға артып, 1,2 млн тоннаға жетті.

Кешенді жоспар аясында жеңілдетілген несиелеу тетіктері енгізіледі. Атап айтқанда, жоғары өнімді мал басын сатып алуға жылдық 6% мөлшерлемемен ұзақ мерзімді кредит беру, сондай-ақ айналым қаражатын толықтыру үшін 5% мөлшерлемемен қаржыландыру қарастырылған. Бұл мақсатқа 104 млрд теңге бағытталады.

– Шалғай жайылымдарды тиімді пайдалану үшін жайылым инфрақұрылымын дамытуға арналған бірыңғай кредиттік өнім іске қосылады. Ол жайылымдарды суландыруды, мобильді қоныстарды сатып алуды қамтиды. Нәтижесінде шалғай аймақтарда мал шаруашылығын дамытуға жаңа серпін беріледі, – вице-министр.

Сонымен қатар жасанды ұрықтандыруды қолдау, эмбриондық көбею зертханасын құру, кадр даярлау жүйесін жетілдіру және ветеринариялық қауіпсіздікті күшейту шаралары қарастырылған. Экспорттық әлеуетті арттыру мақсатында бірқатар елдермен ветеринариялық сертификаттар келісіліп, өнім номенклатурасын кеңейту жоспарланып отыр.

Кешенді жоспарды іске асыру нәтижесінде ірі қара мал саны 12 млн басқа, ұсақ қара мал саны 28 млн басқа дейін өседі деп күтілуде. Ет өндірісі 1,8 млн тоннаға жетіп, экспорт көлемі екі есеге ұлғаяды.

Фото: ашық дереккөз

Оның айтуынша, Республикалық бюджет комиссиясы ветеринария мамандарының жалақысын көтеру үшін 22 млрд теңге көлемінде қаржыландыруды қолдаған.

– Биыл ветеринарияға қатысты заң жобасын Парламент Мәжілісіне енгізуіміз керек. Онда тиісті өзгерістер қамтылады. Жалпы, Республикалық бюджеттен 22 млрд теңгеге қолдау алдық. Сондықтан 2027 жылдан бастап төлем болады деп жоспарлап отырмыз, – деді А.Бердалин Сенаттағы ветеринариялық қызмет тақырыбын талқылауға арналған Үкімет сағатынан соң тілшілер сұрағына жауап беріп.

Соған орай ол 2027 жылдың қаңтарынан ауылдағы ветеринария мамандары 400 мың теңгеден астам жалақы алатынын растады.
Қоса кетейік, бұған дейін вице-министр «ветеринария» мамандығында оқып жатқан студенттердің шәкіртақысын көтеру жайын да айтқан болатын.

– Қазіргі уақытта елімізде «Ветеринария» бағыты бойынша кадрлар даярлауды 11 жоғары оқу орны жүзеге асырады, оның ішінде үшеуі Ауыл шаруашылығы министрлігінің жүйесінде. Олар 2025 жылға бөлінген 1001 (77,5%) грантты алды. Бұл ретте, өту балы жалпы конкурста – 62 балды, ауылдық квотада 56 балды құрады, – деген болатын Аманғали Бердалин сол жолы Сенатта.

Еске салсақ, өткен күзден бастап педагогикалық мамандықта оқитын студенттердің айлық стипендиясы 84 мың теңге болды.

Амангелді Мұқаметқалиұлы 1956 жылғы 15 қаңтарда Ұлан ауданы Алғабас ауылында дүниеге келген. Тарғын ауылындағы Ізғұтты Айтықов атындағы орта мектепті бітірген. Отан алдындағы әскери борышын өтеп келген соң, Шығыс Қазақстан облысы совхоз техникумында ветеринария мамандығы бойынша білім алды.

Ұлан ауданы Никитинка совхозында техник-осеменатор болып еңбек етіп, мал шаруашылығының бірінші санатты шебері атағы берілді.

Өз ісіне адал маман ветеринарлық дәрігер – лицензиат, Бозанбай ветеринариялық пунктінде меңгеруші қызметін атқарды. 2019 жылы еңбегінің зейнетін көріп, зейнеткерлікке шықса да, қызметін жалғастырып, абыройлы еңбек етуде.

Кіндік қаны тамған бақытты балалық шағының балбесігіне айналған туған жерінде табан аудармай 45 жыл бойы еселі еңбек етіп, әріптестеріне үлгі көрсетіп, жас мамандарды тәрбиелеуде. Қай қызмет жүктелсе де, қабілет-қарымын жоғары деңгейде танытып, сол саланы жетістікке жетелеп кететін жігерлі жұмыстары көптің көзіне түсті. Мал басын сақтау, төл алу жоспарын орындау, мал арасындағы түрлі жұқпалы індеттердің алдын алу сияқты өрісті, игілікті істер жанданды. Осындай еңбектерінің нәтижесімен танылған маманды III дәрежелі «Еңбек Даңқы» төс белгісімен, «Ветеринарияның Құрметті қызметкері» төс белгісімен марапаттады. Басшылар тарапынан алғыс хаттар мен Құрмет грамоталары бір төбе.

Өз саласының білгір маманы ретінде облыс көлемінде мал арасында кездесетін жұқпалы аурулардан сауықтыру бағытында малдәрігерлік ұжымдармен бірлесіп, аянбай еңбек етіп, айтарлықтай жетістіктерге қол жеткізді. Қандай лауазымда болса да қарапайымдылығынан айнымай, барлық ынтасымен өз міндетін қалай да жақсы орындауды ғана ойлады. Кәсібіне адал берілген ол бәз біреулер секілді күйбің тірліктің күйкі мәселелерінен биік тұрып, бойын аулақ ұстады.

Адал еңбекпен табысқа жеткен асқар тау әке еңбектің зейнетін көріп, жұбайы Дариға апай екеуі бес бала тәрбиелеп өсірді. Жүректері мейірімге толы ерлі-зайыптылар бес баланың ішінде Оксана, Светлана, Денисті бауырына басып, қорғаншылыққа алған. Бүгінде айрандай ұйып, отырған қос бәйтерек сегіз немере, бір шөбере сүйіп, қызығына бөленіп отырған бақытты отбасы. Балаларының жоғары білімдері бар. Мамандықтарына сай әр салада қызмет етіп келеді. Мерейлі жасыңыз құтты болсын!

Эльмира СОВЕТҚЫЗЫ